Züg u Sache

We me mit offene Ouge dür ds Läbe geit, de gseht me verschidene Züg. U we me de öppe einisch no d Seel e chli lat la weide u d Phantasie lat la galoppiere, de chöme eim Sache i Sinn.
Settigs Züg u settegi Sache stöh i däm Büechli, wo dir vor nech heit. Churzgschichte, wo mängisch luschtig sy u mängisch o e chli trurig mache. Wo aber o kritisch u schreg chöi sy. U öppe einisch chönnte si eim sogar e chli chutzele, wes ne de grad drum isch ...